Deungoe lon sebut siploh droe rakan
Ureung Iseulam yang meu’en bola
Keuphon Anelka yang kulet itam
Bak Juve rakan geumeu’en bola
Teuma keu dua ka franck Ribery
Keubit tat ahli prancih negara
Bang kolo toure keu lhee hai akhi
Pantai gadingi phon meuen bola
Keupeut hai rakan laju bang Mali
Penteng han sakri bak club sevilla
Keu limoeng rakan cit ka ta turi
Nama geurasi Karim benzema
Keunam lon Rawi ka samir nasri
Ka bak Man city geu meu’en bola
Di yaya Taure pih bak man city
Sapat ngon nasri nyan tujoeh kana
Hatem bin Arfa kira keu lapan
New castle rakan jinoe mainnya
Sikureung Ozil ka bangsa jerman
Bak madrit taulan geu puta bola
Teuma keu siploeh cit mandum kenal
Bang zidane zidan luar biasa
Awai tat meuhai harga di gobnyan
Madrid yang pesan peut ploh nam juta
Hawa keu bola me’en silahkan
Tapi hai rakan aurat ta jaga
Siluweu paneuk peuji’oh taulan
Tinggai seumbahyang bek cuba cuba
Related Posts :